Sví­virða í Síðu­múla: Stökk út með grímu og sleppti því að borga – „Verum á varð­bergi“

Starfs­menn Uniqu­e hár og spa, heilsu­lindar í Síðu­múla, lentu í heldur leiðin­legri upp­á­komu síð­degis þegar við­skipta­vinur sem fékk klippingu og strípur stökk út án þess að borga.

Fyrir­tækið greinir frá þessu í færslu á Face­book-síðu sinni.

„Sæl öll, vorum að lenda í ein­kenni­legu at­riði, hér bókar tíma nýr kúnni, labbar inn með grímu, fær klippingu og strípur og klárar með­ferðina sína hjá okkur, stekkur svo út í bíl til að "sækja kortið sitt" og við höfum ekki séð hana síðan. Þessi kona er ekki til á fés­bókinni og síma­númerið hennar er að sjálf­sögðu ekki til,“ segir í færslunni.

Þá er því bætt við að nú sé verið að fara yfir eftir­lits­mynda­vélar til að skoða hvort ein­hvers staðar sé til and­lits­mynd af konunni. „Sem er ekki lík­legt, þar sem hún tekur ekki niður grímuna. Verum á varð­bergi gagn­vart þessu fólki!,“ segir í færslunni.

Í frétt RÚV er haft eftir eig­anda stofunnar, Jóhönnu Maríu Gunnars­dóttur, að grímu­skyldan geri starfs­fólki erfitt um vik að bera kennsl aftur á konuna. Það hafi í raun ekki verið talið ó­eðli­legt að hún þyrfti að skjótast út í bíl eftir veskinu sínu en al­mennt komið það til baka og geri upp. Í þessu til­viki kom konan þó ekki til baka.