Þórólfur Guðnason, sóttvarnalæknir mun á næstu dögum tilkynna nýja lista yfir örugg ríki. Í frétt RÚV í kvöld kom fram að öll Norðurlöndin verða líklegast á listanum, nema Svíþjóð. Þá er talið líklegt að Þjóðverjar þurfi heldur ekki að fara í skimun við komuna til alndsins.
Hingað til hafa bara Færeyjar og Svíþjóð verið á listanum yfir örugg ríki.
Með þessari ákvörðun verður hægt að hleypa fleiri ferðamönnum inn í landið. Tilkynnt var í dag að Íslensk erfðagreining mun sjá um skimun við landamærin í viku í viðbót en síðan mun Landspítalinn taka við. Sú staða gæti komið upp að flugum verði aflýst ef ferðamenn verða fleiri en skimunargeta spítalans ræður við.
Páll Þórhallson, verkefnastjóri í forsætisráðuneytinu, segir í samtali við RÚV að hingað til hefur allt gengið upp með góðu samstarfi allra aðila en nú fer að reyna verulega á samstarfið vegna áhua ferðamanna á að koma til landsins.
Hann gat ekki svarað því hvernig valið yrði á milli flugfélaga ef öll flug komast ekki en benti á að allir mega koma til landsins en ef fólk er ekki skimað þarf það að fara í tveggja vikna sóttkví.
Sóttvarnalæknir býst þó ekki við því að til niðurfellinga komi alveg strax en listinn verður kynntur í þessari viku. Hann segir að vaxandi þrýstingur um að fá fleiri faþrega til landsins hafi spilað inn í og flýtt ferlinu en það var ekki útslitaatriði.
