Hæstaréttarlögmaðurinn Sveinn Andri Sveinsson er allt annað en Ólaf Ragnar Grímsson, fyrrverandi forseta Íslands, en Ólafur mærði stjórnvisku Xi Jinping, forseta Kína, nýverið.
„Ég er viss um að íbúum Hong Kong sem misst hafa sín borgarlegu réttindi finnst stjórnviska Xi vera alveg geggjuð, svo ekki sé talað um Úígúra í Xinjiang-héraði sem milljónum saman hefur verið þröngvað í fanga- og „endurmenntunarbúðir" á vegum Xi.
Það er býzna merkilegt að maður, sem eitt sinn var prófessor í stjórnmálafræði, flokkar harðræði, mannréttindabrot, brot gegn mannúð og annað alls kyns ofbeldi gegn eigin þegnum sem stjórnvisku,“ skrifar Sveinn Andri á Facebook og deilir frétt Vísis.
Lof Ólafs til Xi var slegið upp á forsíðu enskumælandi dagblaðsins kínverska kommúnistaflokksins í dag. Þar er haft eftir Ólafi Ragnar að honum þyki mikið til hugmynda Xi um stjórnarhætti koma.
Þar er haft eftir fyrrverandi forsetanum í óbeinni ræðu að í persónulegum samskiptum hans við Xi hafi honum þótt „mikið til hugmynda Xi um stjórnarhætti koma“.
