Svavar stígur fram: „Þessi staður og þetta tjald varð til þess að ég komst lífs af“

Ó­hætt er að segja að um­ræður í í­búa­hópi Breið­hyltinga á Face­book í gærkvöldi hafi undið upp á sig og endað á fal­legan hátt þegar íbúi, Kristján að nafni, kvartaði undan ein­hvers­konar greni skammt frá Mjóddinni í Breið­holti.

„Þetta er ljótt að sjá, rétt við göngu­brúnna og bensín­stöðina , virðist vera að­setur fyrir ung­linga eða fíkla, bærinn þarf að vera fljótur til að eyða svona bælum áður en þau ná fót­festu,“ sagði í­búinn en Hring­braut fékk góð­fús­legt leyfi til að birta myndirnar sem fylgja þessari frétt.

Eðli málsins sam­kvæmt er þetta ekki eitt­hvað sem í­búar kæra sig um í sínu hverfi, enda vilja flestir náunganum allt það besta og enginn á að þurfa að hírast í að­stæðum sem þessum.

Ó­hætt er að segja að allt hafi þetta endað á eins fal­legan hátt og hugsast getur þegar ein­stak­lingurinn sem þarna dvaldi, Svavar að nafni, steig fram og sagði sögu sína.

„Elsku fólk. Sá sem "BJÓ" þarna er ég! Í viðjum fíknarinnar á götunni í um 2 ár rétt rúm­lega. Það er vissu­lega gott að búa í Breið­holti. :essi staður og þetta tjald varð til þess að ég komst lífs af. Allan þann tíma sem ég var þarna hafði ENGINN af­skipti "skiljan­lega" ég veit það ekki en að sjá mörg hver kommentin herna er soldið barna­legt. Hugsum frekar hvað er hægt að gera fyrir fólk sem er raun­veru­lega í þessari stöðu en að líta á eitt­hvern hátt niður á það...... for­dómar af full­orðnu fólki sem auð­sjáan­lega hefur ekki hunds vit á alko­hól­isma.... Ég ætlaði mér aldrei að skilja við þetta svona og biðst inni­legrar af­sökunar fyrir það. Þessu verður kippt í liðinn á morgun. Eftir að ég var þarna hefur annar aðili komið sér fyrir þarna og þarna eru t.d. dekk af reið­hjólum og fl sem ég kannast ekki við og sjón­varp og fl..... En eins­og ég sagði þá verður þetta lagað og það á morgun! ást og friður til ykkar.“

Þessi skila­boð Svavars upp­skáru mörg hjörtu og fékk hann ­hlýjar kveðjur frá í­búum sem óskuðu honum alls hins besta. Þá segir einn í annarri at­huga­semd: „Fíkillinn sem bjó þarna er búinn að vera edrú í 15 mánuði. Hann stendur sig mjög vel og er kominn í vinnu og skóla.“ Sá býðst einnig til að fara og hreinsa svæðið og bjóðast fjöl­margir aðilar til að létta undir honum.

„Virki­lega fal­lega gert af þér. Þekki þennan dreng vel. Ó­trú­legt að sjá hann í dag miðað við hvar hann var. Heyrðu í mér á morgun. Ég vil hjálpa til með þetta,“ segir einn í svari við at­huga­semdinni.