Útvarpsmaðurinn geðþekki Svali Kaldalóns sem flutti nýverið til Tenrife með fjölskylduna segir lífið í paradís ekki alltaf dans á rósunum.
„Bara svo það sé sagt að þá væsir ekkert um okkur hér. Góð vika að baki hjá okkur, sendum góða strauma í cosmosinn til ykkar. Morgunbollinn er alltaf á sýnum stað. Yndislegt að vakna og rölta út á svalir og fá sér einn eða þrjá,“ skrifar Svali og birtir ljósmynd með af bollanum.
„Traffíkin hér er að setja allt á hliðina. Erfitt að fá leigubíla og engin leið að keyra hér eftir kl 14 á daginn. Cabildo de Tenerife að fara í mikil fjárútlát til að reyna að bjarga einhverju(sem enginn áttar sig á hvað er) í umferðarmálunum hér. Það er búið að vera svakalega mikið að gera hjá okkur í vetur og þetta ár fer mjög vel af stað, þó að auðvitað séu alltaf einhverjar skoranir sem þarf að vinna í. En þannig er lífið allstaðar í veröldinni,“ bætir Svali við.
„Siggi litli hefur það mjög gott hér þó að hann sakni vina sinna á Íslandi og bíður spenntur eftir að hitta þá næsta sumar. En hann á líka vini hér og elskar að fara út að hjóla og slaka eins og hann segir. Unglingarnir geta ekki beðið eftir að fara til Íslands, alveg komnir með nóg af Tenerife í bili. Menntaskólinn framundan og ljóst að þeir vilja í nám á Íslandi. Þannig að það er alltaf eitthvað sem maður er að díla við og lífið stanslaust ævintýri ef maður vill það,“ skrifar Svali að lokum.
