„Ég hef kynnst fólk í gegnum tíðina sem kann að tala með rassinum en mér finnst það alveg merkilegt afrek út af fyrir sig að læra að skrifa með rassinum,“ segir Alexandra Briem, forseti Borgarstjórnar um grein Írisar Erlingsdóttur sem birtist í Morgunblaðinu á dögunum.
Greinin ber titilinn „Siðræna transgátan“ þykir mjög umdeild en í henni fullyrðir Íris meðal annars að kyngervi trans einstaklinga samræmist ekki líffræðilegu kyni þeirra. Íris hefur meðal annars verið sökuð um hatursorðræðu gegn trans fólki í kjölfarið.
„Afsakið orðbragðið, en sumt er svo vitlaust að það á enga vörn skilið. Þessi manneskja á rétt á sinni skoðun og rétt á því að tjá hana. En hún á ekki endilega rétt á rými fyrir hana ekki frekar en fólk sem kýs að veita því rými. Hún á heldur ekki rétt á því að þessu sé tekið eins og um einhvern sannleika sé að ræða,“ segir Alexandra.
Alexandra Briem var gestur Margrétar Erlu Maack á Fréttavaktinni á Hringbraut í kvöld. Horfðu á viðtalið í heild sinni hér að neðan:
