Hörgsland gistiheimili rétt austan við Kirkjubæjarklaustur stendur í ljósum logum um þessar mundir og vinnur slökkviliðið að því að slökkva eldinn. Þetta kemur fram í frétt Fréttablaðsins.
Börkur Hrólfsson leiðsögumaður átti leið fram hjá og segir í samtali við Fréttablaðið að mikill viðbúnaður er á svæðinu. Hann keyrði framhjá um fjögur leytið og þá var slökkviliðið, að hans mati, að hefja aðgerðir á vettvangi en að minnsta kosti tveir dælubílar eru á svæðinu.
„Þetta er gististaður. Það er þarna fullt af húsum sem eru leigð til ferðamanna og svo er eitt stórt hús sem er með móttöku, veitingastað og fleira,“ segir Börkur.
Hann var að koma frá Höfn og á leið til Reykjavíkur. „Ég geri ráð fyrir því að aðalhættan sé að það fari neistar í hin húsin án þess ég viti nákvæmlega um það en ég myndi telja það þyrfti að verja önnur hús enda timburhús allt í kring,“ segir Börkur.
Hann var að koma frá Höfn og á leið til Reykjavíkur. „Ég geri ráð fyrir því að aðalhættan sé að það fari neistar í hin húsin án þess ég viti nákvæmlega um það en ég myndi telja það þyrfti að verja önnur hús enda timburhús allt í kring,“ segir Börkur.
Ragnar Johansen eigandi Hörgslands er staddur í Taílandi um þessar mundir. Hann segir að engin hafi slasast í eldinum, en hann segir að það sé ömurleg upplifun að þurfa sjá brunann í gegnum símann.
„Veitingastaðurinn brann til kaldra kola. Þetta er alveg ömurleg upplifun. Það er búið að vera frost núna síðan í byrjun desember og það er verið að þíða inntök og alls kyns vandamál vegna þess að það er allt frosið. Svo er verið að reyna að þíða þetta þá hefur sennilega eitthvað ofhitnað. Þannig kviknar eldur,“ segir Ragnar.
„Það er allt í lagi með fólkið, en ég hef mestar áhyggjur af því að sonur mín og dóttir fari að kenna sér um að þetta skeði, af því að ég er ekki til staðar til að útskýra þetta fyrir þeim,“ segir Ragnar, en börnin hans sjá um reksturinn á Hörgslandi.
„Þetta er ömurleg upplifun. Mér þykir vænt um börnin mín og það er ömurlegt að þau þurfi að standa í þessu,“ segir Ragnar.
Myndband af brunanum má sjá hér að neðan.
