Steinunn Ó­­lína tekur Víði í kennslu­stund: „Ég vona að þú látir aldrei plata þig aftur til að fara með svona vit­­leysu“

Steinunn Ó­lína Þor­steins­dóttir, rit­stjóri Kvenna­blaðsins, sendir Víði Reynis­syni, deildar­stjóra hjá al­manna­varna­deild ríkis­lög­reglu­stjóra tóninn í pistli sem hún skrifaði á vef Kvennablaðsins í dag.

Steinunn Ó­lína byrjar pistilinn að vísu á að hrósa Víði fyrir fram­komu hans á stöðu­fundum Al­manna­varna vegna Co­vid-19 far­aldursins.

„Þú kemur fram við annað fólk af virðingu, ert elsku­legur, ekki upp­tekinn af sjálfum þér og kemur vel frá þér þeim mikil­vægu skila­boðum sem þú hefur þurft að hafa yfir í­trekað á fyrr­nefndum fundum. Af þessum sökum hlustar fólk á þig og tekur mark á fyrir­mælum þínum,“ segir Steinunn.

Málpípa annarra

Hún segir það aftur á móti sorg­legt að hann skuli hafa gerst „mál­pípa“ annarra en hans heil­brigðu skyn­semi á upp­lýsinga­fundi Al­manna­varna um helgina þar sem hann kynnti hug­myndir um sam­fé­lags­sátt­mála. Steinunn segist hafa saknað þess að sjá ekki nein skila­boð til stjórn­valda og um á­byrgð þeirra við að koma lífinu aftur í eðli­legt horf.

„Ekki eitt orð um það að stjórn­völd ættu yfir­höfuð að vera hluti af þessum sam­fé­lags­sátt­mála. Bara beiðni um að al­menningur spritti yfir­borðið.“

Steinunn Ó­lína virðist síðan vera mjög ó­sátt við það þegar Víðir hvatti fólk til að lesa fréttir frá „traustu“ frétta­miðlunum.

„Svo fannst mér hreint ó­nota­legt að sjá þig gerast leik­brúðu þeirra sem vilja stýra fjöl­miðla­um­ræðu á Ís­landi og treysta ekki al­menningi til að hugsa sjálf­stætt og draga skyn­sam­legar á­lyktanir. Þú nefndir að fólk ætti að „nota fréttir“ frá „traustu“ frétta­miðlunum sem væru rit­stýrðir og sýndu okkur „rétta“ mynd af hlutunum. Þær fréttir ættum við að „nota“ í um­ræðunni og ekki „eitt­hvað annað.““

„Fólk er ekki fífl“

Steinunn Ó­lína notar tæki­færið og tekur Víði í stutta kennslu­stund í fjöl­miðla­fræði.

„Í fyrsta lagi, fólk er ekki fífl. Fólk notar ekki fréttir, fólk les fréttir, dregur af þeim á­lyktanir, les sér frekar til og myndar sér skoðanir út frá því sem skyn­semi þess býður. Fólk sem les fréttir veit til dæmis að það er fjöldi annarra þjóða en Ís­lendinga sem hafa staðið sig vel og hugsan­lega betur í glímunni við Co­vid-19 þótt af því séu helst ekki fluttar fréttir hér á landi.“

Steinunn segir þess utan ekki viss um að fjöl­skyldur og að­stand­endur þeirra sem hafa dáið eða veikst illa á Ís­landi af völdum Co­vid-19 telji að að­gerðir stjórn­valda hér á landi séu hafnar yfir gagn­rýni.

„Í öðru lagi eru allir fjöl­miðlar á Ís­landi mér vitan­lega rit­stýrðir þótt ýmsum finnist rit­stjórnir þeirra oft og tíðum ganga langt í erinda­gjörðum þeirra sem þeir opin­skátt verja. Dæmin þarf ekki að tíunda hér, les­endur þessarar greinar vita vel um hvað er rætt.“

Hvaða fjölmiðla á að forðast?

Steinunn Ó­lína nefnir svo að þjóðar­öryggis­ráð hafi skipað sér­staka nefnd til að kort­leggja upp­lýsinga­ó­reiðu hér á landi. Hún hvetur Víði til að láta ekki draga sig inn í það. Vald­hafar hér á landi hafi með skipun slíkrar nefndar sýnt að þeir vilji stjórna því hvernig fólk hugsar.

Hún biður Víði svo um að svara eftir­farandi spurningum:

„Hverjir eru traustu rit­stýrðu frétta­miðlarnir sem við eigum að treysta og nota upp­lýsingar frá? Og hvaða fjöl­miðla eigum við að forðast?“ Ég vona að þú látir aldrei plata þig aftur til að fara með svona vit­leysu fyrir framan al­þjóð. Þú veist betur og hefur sýnt að þú berð meiri virðingu fyrir þjóðinni en ís­lensk stjórn­völd og hags­muna­aðilar í ís­lenskri þjóð­fé­lags­um­ræðu saman­lagt. Ef þú stendur ekki í lappirnar Víðir, missir al­menningur trúna á þig líka.“

Pistill Steinunnar.