Leikarinn og grínistinn Steindi Jr. á von á góðum tíðindum í dag en hann skýtur á að yfirvöld muni tilkynna að samningur við bóluefnaframleiðandann Pfizer verði opinberaður í dag.
Þrálátur orðrómur hefur verið á kreiki um að Pfizer hafi samþykkt að láta Íslendingum í té bóluefni fyrir alla landsmenn. Nokkuð er liðið síðan greint var frá þreifingum um að Ísland yrði einskonar tilraunaland fyrir bóluefni Pfizer. Fyrirtækið myndi þannig tryggja nægt bóluefni til að hjarðónæmi næði að myndast og um leið yrði gerð rannsókn á virkni efnisins.
Stjórnvöld hafa lítið vilja gefa út um þetta og sagði Þórólfur Guðnason sóttvarnalæknir síðast í morgun að fólk þurfi að stilla væntingum um mögulegan samning í hóf. Þórólfur ræddi málið í Morgunútvarpi Rásar 2 og sagði að ef samningar náist þurfi þeir samþykki margra aðila, til dæmis ráðamanna, vísindasiðanefndar og Persónuverndar.
Á forsíðu Morgunblaðsins í dag er því haldið fram að endanlegrar niðurstöðu um málið sé að vænta í dag eftir fund fulltrúa íslenskra stjórnvalda með forsvarsmönnum Pfizer.
Margir hafa tjáð sig um málið á Twitter, meðal annars Steinþór Hróar Steinþórsson, Steindi Jr.
„Við eigum öll eftir að muna í framtíðinni hvar við vorum þegar Þórólfur sagði okkur í beinni útsendingu, þriðjudaginn 9.feb 2021, að við yrðum öll bólusett sem tilraunadýr í laugardalnum. Allt opnast, allt lagast. Algjört appelsín og lakkrísrör vibes framundan.“
Hagfræðingurinn Konráð S. Guðjónsson spyr á Twitter hvort einhver sé með link á Zoom-fundinn með Pfizer. Áslaug Arna Sigurbjörnsdóttir dómsmálaráðherra svarar Konráð, bregður á leik og birtir stutt myndband úr hinum geysivinsælu grínþáttum The Office:
Við eigum öll eftir að muna í framtíðinni hvar við vorum þegar Þórólfur sagði okkur í beinni útsendingu, þriðjudaginn 9.feb 2021, að við yrðum öll bólusett sem tilraunadýr í laugardalnum. Allt opnast, allt lagast. Algjört appelsín og lakkrísrör vibes framundan 🙏
— Steindi Jr. (@SteindiJR) February 8, 2021
Ég hef svo mikla trú á þessu Pfizer dæmi að ég bókaði 10 daga ferð til Mauritius í sumar
— Katrín Kristjana (@KatrinKristjana) February 7, 2021
