Stefán varpar fram magnaðri hug­mynd – Þrjár flugur í einu höggi

Stefán Páls­son sagn­fræðingur varpaði at­hyglis­verðri hug­mynd fram á Face­book-síðu sinni í morgun. Leggur hann til að ríkið kaupi Bænda­höllina svo­kölluðu en við það gæti farið af stað keðju­verkun sem yrði mörgum til góða.

Gefum Stefáni orðið:

„Vestur á Melum stendur risa­stórt hótel gal­tómt. Hús­næðið öskrar á mikið og kostnaðar­samt við­hald og meira að segja í miðri túr­ista­bólunni var reksturinn meira í ætt við Axlar-Björn en Jóhannes á Borg. Mikið þarf að gerast til að þetta hótel opni aftur og hætti að verða eig­enda sínum, Bænda­sam­tökunum, þung byrði.“

Stefán bendir á að á sömu þúfu vilji Há­skóli Ís­lands byggja hús fyrir mennta­vísinda­sviðið sitt sem er nú uppi á Rauðar­ár­holti. Segir Stefán í hálf­kæringi að þar þrífist enginn nema út­burðir og American Sty­le.

„Auð­vitað vilja kennara­nemarnir og kennara­kennararnir (hvað annað eigum við að kalla þau) komast í Vatns­mýrina til að geta frílystað sig á kaffi­húsum og komist fljótt í innan­lands­flug. Vandinn er hins vegar sá að Há­skóla­happ­drættið þarf að setja alla sína peninga næsta ára­tuginn í að byggja yfir heil­brigðis­vísinda­sviðið á Land­spítalareitnum.

Hvað gera bændur þá?

Jú, bændur lesa þessa færslu og labba í kjöl­farið yfir ganginn til vara­for­manns Fram­sóknar­flokksins og stinga upp á eftir­farandi fléttu: ríkis­sjóður kaupir Bænda­höllina. Bændur finna sér hentugra hús­næði annars staðar á höfuð­borgar­svæðinu sem mætti t.d. kalla Stefáns­ból eða e-ð á­líka í þakk­lætis­skyni fyrir snjöllu hug­myndina.

Ríkið skrallar meira og minna öllu út úr Bænda­höllinni og fyllir af kennara­nemum og kennara­kennara­skrif­stofum og á samt fullt af plássi eftir fyrir nýjar náms­brautir í nú­vitund og tokkarísku.“

Stefán segir að þá losni hús Kennara­há­skólans sem er stórt og með miklum upp­byggingar­mögu­leikum stein­snar frá Tækni­skólanum sem í dag er rekinn á tveimur stöðum.

„Ef við myndum spyrja verk­náms­fólkið á Skóla­vörðu­holti: „hvort viltu kúldrast hér í bíla­stæða­leysinu um­vafinn til­gerðar­legum kaffi­húsum eða flytja upp á Rauðar­ár­holt og komast alltaf á Stælinn í há­deginu?“ - þá þarf enginn að velkjast í vafa um svarið.

Þegar búið verður að sam­eina HÍ og Tækni­skólann með þessari snjöllu fléttu geta allir glaðst nema kannski fjár­mála­ráðu­neytið og Jóhannes Þór Skúla­son, sem sér á eftir öllum hótel­her­bergjunum á Melunum. En þá kemur rúsínan í pylsu­endanum: Iðn­skóla­húsið á Skóla­vörðu­holti stendur þá laust og yrði osom hótel fyrir vell­ríka túr­ista sem vilja upp­lifa svif­ryk og hljóð­mengun á gaml­árs­kvöldi!

Tjaldið fellur, á­horf­endur ærast.“