Stefán Pálsson, sagnfræðingur og frambjóðandi í forval VG í Reykjavík, áttaði sig á því í dag að honum hefur tekist að fara í gegnum síðustu vikur án þess að heyra nein Júróvisjónlög sem allir eru að rífast yfir.
„Ég er því í fullkominni aðstöðu til að gerast Salómón minnar kynslóðar, hlusta á lögin og kveða upp úr um hver hefði átt að vinna. Svona er ég maður sátta í samfélaginu,“ skrifar Stefán í færslu á Facebook en ekki voru allir sáttir með það að Eyþórsdætur unnu á laugardaginn.
Flestir virðast taka ágætlega í þessa hugmynd Stefáns en þó hlæja flestir að því að fólk sé yfirhöfuð að kvarta undan niðurstöðunni.
