Stefán Máni gefur Sig­valda nýtt nafn: „Ég vil að hann verði þekktur sem..“

Hægri horna­maðurinn Sig­valdi Björn Guð­jóns­son hefur borið af fyrir ís­lenska karla­lands­liðið í hand­bolta á EM í hand­bolta.

Sig­valdi er marka­hæstur ís­lensku leik­mannanna á EM með 18 mörk í þremur leikjum og hefur fengið verð­skuldaða at­hygli fyrir frammi­stöðu sína.

Fyrr­verandi lands­liðs­maðurinn Logi Geirs­son vekur at­hygli á frammi­stöðu ís­lensku horna­mannanna í færslu á Twitter.

„Við erum með bestu horna­menn í heimi í sitt­hvoru horninu. Leyfi mér að full­yrða það eftir að hafa horft á 75% allra leikja mótsins. Töl­fræðin bakkar það líka upp. Við erum með rosa­legt LIÐ. Held að við sigrum Dani á morgun ef vörnin heldur,“ skrifaði Logi í gær.

Glæpa­sagna­rit­höfundurinn Stefán Máni svarar Loga um hæl og segist vera kominn með nýtt nafn á Sig­valda.

„Ég vil að Sig­valdi verði þekktur sem ARKI­TEKTINN. Lista­maður,“ skrifar Stefán Máni.

Ég vil að Sigvaldi verði þekktur sem ARKITEKTINN. Listamaður.

— Stefán Máni (@Stefan_Mani_) January 19, 2022