Stefán Jón keypti kjúk­ling: Þetta blasti við þegar hann var búinn að elda – Sjáðu myndina

Stefán Jón Haf­stein, stjórn­mála­maður, fjöl­miðla­maður og sitt­hvað fleira, segir farir sínar ekki sléttar eftir að hafa keypt kjúk­ling og skellt í ofninn.

Stefán birti mynd og færslu á Face­book-síðu sinni í morgun þar sem hann segir:

„Ég er mjög hlynntur vatni. En. Þegar maður kaupir kjúk­ling?“

Stefán segist hafa steikt tvo kjúk­linga án nokkurs vökva, græn­metis eða krydds. „Bara beint úr pokanum inn í ofn án nokkurs annars. Eftir klukku­stund var fatið fleyti­fullt af ó­væntum vökva. 2 bollar af vatni höfðu streymt úr skepnunum. Fylgist enginn með nema ég,“ spyr Stefán Jón.

Í at­huga­semdum undir færslunni segir Stefán að um hafi verið að ræða kjúk­ling sem hann keypti í Krónunni og var sér­merktur. Fjöl­margir hafa tjáð sig um færsluna og segjast margir hafa orðið varir við þetta þegar kjúk­lingur er keyptur í verslunum hér á landi.

Stefán segir að hann hafi keypt þennan til­tekna kjúk­ling og eldað hann ó­kryddaðan þar sem hann hugðist gefa tíkinni sinni hann. Dýra­læknir hefði mælt með því að gefa henni kjúk­ling til að fríska upp á prótein­búskapinn.

Gunnar Smári Egils­son, fjöl­miðla­maður og stofnandi Sósíal­ista­flokksins, blandar sér í um­ræðuna og segir það fara eftir eldun hversu miklum vökva kjötið skilar af sér. Stefán Jón segist hafa eldað kjúk­lingana í eld­föstu fati og eftir eldun hafi kjúk­lingurinn verið góður, bæði safa­ríkur og mjúkur.