Stefán Einar Stefánsson, sem sér um Dagmál þættina á mbl.is, segir það góð tíðindi að öllu leyti Fjaðrárgljúfur sé að seljast fyri daggóða upphæð og að ríkið sé ekki kaupandi „enda er það einn verst eigandi að náttúruperlum sem hugast getur.“
Hann segir einnig jákvætt að stefnt skuli að friðlýsingu ogdeilir frétt Fréttablaðsins frá því í dag um málið en þar segir að Guðlaugur Þór Þórðarson, umhverfis-, orku- og loftslagsráðherra og kaupandi jarðarinnar Heiði í Skaftárhreppi hafi undirritað með sér samkomulag um friðlýsingu.
Er það mat ráðuneytisins að verndarþörf á svæðinu sé talsverð vegna mikils ágangs ferðamanna en hægt sé að ná markmiðum verndar án þess að ríkið gangi inn í kaupin.
Með friðlýsingu svæðisins og samkomulagi við nýjan eiganda verður vernd svæðisins og nauðsynleg uppbygging sameiginlegt verkefni ríkisins og nýs eiganda.
Innheimta gjalda skal ekki verða til þess að skerða eða tálma frjálsa för einstaklinga, sem ekki nýta bílastæðið um hið friðlýsta svæði, eða grannsvæði þess samkvæmt reglum náttúruverndarlaga um almannarétt.
„Svo verðum við að treysta því að gjaldtöku verði komið á þarna til þess að fjármagna viðhald og uppbyggingu. Gjaldtaka, hvort sem það er við Kerið í Grímsnesi eða í þjóðgarðinum á Þingvöllum, hefur sannað sig og við þurfum að auka hana um allt land. Hóflegt gjald fyrir aðgengi að náttúrunni tryggir þessa staði best til frambúðar. Enn betra ef eigendurnir græða á því í leiðinni,“ skrifar Stefán Einar að lokum.
