Héraðsdómur Reykjaness dæmdi í vikunni rúmlega fertugan karlmann í 30 daga skilorðsbundið fangelsi fyrir að stela handspritti í þrígang úr verslunum Bónus og Hagkaups. Maðurinn játaði sök fyrir dómi og fangelsisdómurinn skilorðsbundinn til tveggja ára.
Þann 1. apríl síðastliðinn stal maðurinn handspritti að söluverðmæti 749 krónur úr verslun Hagkaups í Garðabæ. Þann 25. júlí í sumar stal maðurinn handspritti úr verslun Bónus í Garðabæ, en söluverðmæti þess var 659 krónur. Loks stal maðurinn handspritti að söluverðmæti 749 krónur úr verslun Hagkaups í Kringlunni þann 9. ágúst síðastliðinn.
Maðurinn sótti ekki þing við þingfestingu málsins og boðaði ekki forföll og taldi dómurinn þannig sannað að maðurinn hefði framið þau brot sem hann er sakaður um.
