Staðnir að því að stela eggjum við Sand­gerði

Þrír karl­menn voru staðnir að því að stela eggjum undan æðar­kollum í varp­landinu Stafnesi við Sand­gerði fyrr í vikunni.

Í skeyti sem lög­reglan á Suður­nesjum sendi frá sér í morgun kemur fram að sá sem stóð þá að verki hafi séð þeir ganga um æða­varpið með plast­poka.

„Hann ræddi við þá og sögðust þeir vera að taka myndir og fleira í þeim dúr en harð­neituðu að hafa verið að tína egg. Engu að síður voru þrír plast­pokar með sam­tals 135 eggjum, sem enn voru volg, skammt frá bif­reið þeirra,“ segir í skeyti lög­reglu.

Lög­reglan á Suður­nesjum færði mennina á lög­reglu­stöð þar sem þeir höfðu gerst sekir um brot á reglu­gerð um friðun til­tekinna villtra fugla og frið­lýsingu æða­varps.