„Ég fór að gráta í símann við Hreyfil áðan, ég er ekki að grínast. Greyið konan gat ekkert fyrir mig gert,“
Þetta skrifaði Tinna Þorvalds Önnudóttir, íbúi í vistþorpinu í Gufunesi, í færslu á Facebook sem birtist í dag um úrræðaleysi í Reykjavíkurborgar í samgöngumálum í hverfinu. Hún ræddi síðan við Fréttablaðið um málið.
Samgöngum í og úr vistþorpinu í Gufunesi er mjög ábótavant en eina gönguleiðin þaðan í strætó er kílómetra langur grýttur og óupplýstur vegslóði sem hefur gert íbúum mjög erfitt fyrir. Til þess að takast á við vandamálið ákvað Reykjavíkurborg að bjóða íbúum hverfisins upp á strætóleið niður í Spöng í formi leigubíla. Þá þjónustu þarf að panta þarf þjónustuna sérstaklega og er hún aðeins í boði á ákveðnum tíma og með löngum fyrirvara.
„Ég hafði pantaði síðasta bíl dagsins sem í boði var í tengslum við pöntunarþjónustu strætó úr Spöng og hingað niður eftir en þá bregður svo við - eins og gerist svo oft - að strætó bara kemur ekki. Enginn veit af hverju og það er ekki hægt að kvarta því öllum er drullusama, nema mér sem þarf að standa úti í rigningunni í hálftíma að bíða eftir næsta.“ skrifar Tinna, og spyr:
„Af hverju má ég ekki bara koma heim til mín þegar mérhentar? Af hverju má ég bara fara að heiman og heim á tveggja tíma fresti?“
Nánar er hægt að lesa um málið á Fréttablaðið.is
