Útvarpskonan dáða, Lísa Pálsdóttir, sem nýkomin er af sinni síðustu vakt hjá Ríkisútvarpinu, lýsir því af einlægni í nýjasta þætti Mannamáls hvernig hún gat ekki lengur sungið, daginn sem Böggi hennar kvaddi eftir erfiða baráttu við krabbamein, aðeins sextugur að aldri.
Bjórgúlfur Egilsson var maðurinn í lífi hennar, alltaf kallaður Böggi, bassaleikari þeirrar dáðu kabarettpönksveitar Kamarorghestanna sem starfaði jöfnum höndum í Köben og á Íslandi, með eitt og annað lagið sem var umsvifalaust bannað í Ríkisútvarpi landsmanna, sakir dónalegra texta, en Böggi féll frá fyrir fimm árum.
Lísa lýsir því með dimmri og rámri röddu sinni hvernig krabbameinsmeðferðin gekk frá Bögga hennar, en stundum eigi heilbrigðisstarfsfólks að segja sjúklingum sínum að meðferðin sjálf sé erfiðari en sjúkdómurinn – og kannski óþarfur sársauki þegar endalokin séu augljós. Þetta sé hennar reynsla, jafn sár og hún er. „Maður lendir í algjöru tómarúmi,“ segir hún um þá reynslu að missa maka sinn.
Þ'au hafi sungið alla daga, heima og heiman, hún og Böggi. Það hafi verið líf þeirra og yndi. En söngurinn hafi svo horfið eins og dögg fyrir sólu þegar hann dó.
Og hún syngi ekki meir, gamla söngkona Kamarorghesta. Geti það bara ekki. Þáttinn má sjá í heild hér að neðan.
