Samtök Atvinnulífsins hafa óskað eftir því að verkfallsaðgerðum verði frestað fyrir frekari viðræður. Sólveig Anna Jónsdóttir formaður Eflingar svaraði þeirra kröfur rétt fyrir fund Eflingar og SA í dag.
Hún segir ekki koma til greina að fresta verkfallsaðgerðum nema eitthvað raunverulegt komi frá Samtökum atvinnulífsins. Hún sagðist ekki geta svarað frekari fyrirspurnum um málið heldur ætlaði hún að sjá hvað gerðist á fundinum í dag en að þeirra krafa sé enn sú að gerður verður Eflingarsamningur við Eflingarfólk.
Hvað varðar undanþágubeiðnir viðbragðsaðila og strætisvagna segir hún að verið sé að leggja lokahönd á þær.
Eyjólfur Árni Rafnsson formaður Samtaka atvinnulífsins sagði fyrir fundinn að SA ætlaði að setjast niður með Eflingu og að hann vonaði að fundurinn yrði langur og það tækist að semja. Hann sagði hreyfingu á viðræðum.
Spurður um aðkomu stjórnvalda sagði Eyjólfur að hlutverk SA væri að semja og að þau ætluðu ekki að reiða sig á það hvað aðrir gera.
