Sólveig skýtur hugmynd Hildar í kaf – Skilur ekki af hverju hún sækist eftir völdum

„Á þessum tíma­punkti væri bók­staf­lega ekkert verra fyrir okkur borgar­búa en að hug­mynd Hildar Björns­dóttur yrði að veru­leika,“ segir Sól­veig Anna Jóns­dóttir, for­maður Eflingar, í pistli á Face­book-síðu sinni.

Þar gerir hún grein Hildar Björns­dóttur í Morgun­blaðinu – sem Hring­braut fjallaði um í morgun – að um­tals­efni. Kallar Hildur eftir því að tveggja ára ráðninga­bann verði sett á borgina vegna mikillar fjölgunar starfs­manna. Bendir Hildur á að ef fer sem horfir verði fimmti hver vinnandi Reyk­víkingur starfs­maður borgarinnar á næsta ári.

„Segjum sem svo að Hildur réði ríkjum og gæti fram­kvæmt hug­mynd sína um ráðningar­bann í Reykja­vík. Í þeirri ver­öld myndi kreppan verða lengri og dýpri þar sem að borgin myndi þá ekki gera sitt til að bjóða fólki störf í fjölda­at­vinnu­leysinu. Fleiri yrðu þá föst án vinnu, en al­mennt er talið að fátt sé verra fyrir sam­fé­lagið en lang­vinnt fjölda­at­vinnu­leysi. Færri hefðu ráð á að „neyta“; kaupa varning í búðum borgarinnar; þrátt fyrir að borgin borgi lægst setta vinnu­aflinu sínu smánar­laun eru þau þó hærri en at­vinnu­leysis­bætur. Draga myndi úr inn­lendri eftir­spurn en slík eftir­spurn er það sem heldur hag­kerfinu gangandi um þessar mundir.“

Sól­veig bendir á að stórt hlut­fall laun­þega borgarinnar starfi við svo­kölluð undir­stöðu­störf, til dæmis um­önnun aldraðra og í leik- og grunn­skólum borgarinnar.

„Borgin sér líka um ýmsa sorp­hirðu, rekur al­mennings­sam­göngur, heldur utan um hjóla­stíga-kerfið og tryggir ýmsa út­vistar- og í­þrótta­iðkunar­mögu­leika borgaranna.

Ég læt hér staðar numið í upp­talningunni,“ segir Sól­veig en segir að margt sé enn ó­upp­talið. Í stuttu máli segir hún hug­mynd Hildar glóru­lausa.

„Ef að draumur Hildar yrði að raun­veru­leika og ráðningar­bann yrði sett á í Reykja­víkur­borg myndi það gerast að ekki væri hægt að sinna öllum þeim börnum sem þarf að sinna á leik­skólum.“ Þá væri ekki heldur hægt að sinna þörfum hins sí­stækkandi hóps eldra fólks.

„Borgar­full­trúi Sjálf­stæðis­flokksins hefur í raun skrifað dystópíska ör­sögu. Sögu af sam­fé­lagi þar sem mann­legar þarfir mæta af­gangi vegna þess að Excel-skjal er orðið Guð og öll þurfa að lúta vilja skjalsins,“ segir hún og bætir við að ekkert yrði verra á þessum tíma­punkti en að hug­mynd Hildar yrði að veru­leika.

„Hún hefur í raun með þessari fá­rán­legu til­lögu sýnt af­dráttar­laus fram á það að hún skilur ekki nú­tíma­sam­fé­lag, skilur ekki hlut­verk borgarinnar og skilur ekki þarfir borgar­búa. Skilur ekki einu sinni hvernig verð­mæta­sköpun kapítal­ismans er gerð mögu­leg með vinnu þeirra sem um­annast mann­legt sam­fé­lag. Þetta skilnings­leysi hennar á ein­stak­lega basic at­riðum gerir það að verkum að ég skil bara alls ekki af hverju í ó­sköpunum hún er að sækjast eftir völdum í borginni. Ætli hún haldi í al­vöru að fólk hafi á­huga á að búa í þeirri Thatcher-ísku ömurð sem hún hefur á­huga á að skapa?“