Sól­veig Anna vill að egypsku flótta­fjöl­skyldunni verði boðið að dvelja í Höfða

„Að lokum legg ég til að blætis-dýrkuninni á húsinu Höfða verði hætt sam­stundis og fjöl­skyldunni sem nú er í felum fyrir ís­lensku ríkis­lög­reglunni verði boðið að dvelja þar meðan hún getur fundið sitt eigið hús­næði.“

Þetta segir Sól­veig Anna Jóns­dóttir, for­maður Eflingar, á Face­book-síðu sinni.

Þar gerir hún grein þeirra Dags B. Eggerts­sonar borgar­stjóra og Jóns Atla Bene­dikts­sonar, rektors Há­skóla Ís­lands, í Frétta­blaðinu í dag að um­tals­efni en til­efni greinarinnar er að í þessari viku er al­þjóð­legur dagur friðar. Hvetja þeir al­menning til „virkrar þátt­töku í mikil­vægri um­ræðu um hvernig við sem sam­fé­lag getum lagt okkar fa mörkum í þágu friðar“, eins og það er orðað.

„Sem á­huga­manneskja um frið í heiminum hlýt ég að fagna þessari hvatningu,“ segir Sól­veig Anna og bætir við að sem inn­legg í um­ræðuna leggi hún til að Ís­land hætti þátt­töku í NATO.

„Sem inn­legg í um­ræðuna legg ég líka til að þeir flokkar sem tala fyrir mann­úð og frið­semd í mann­legum sam­skiptum reyni að lifa sjálfir eftir sínum fögru orðum. Þegar að Sam­fylkingin og VG voru saman í ríkis­stjórn þessa lands tóku flokkarnir glaðir þátt í því að koma á svo­kölluðu "loft­ferða­banni" yfir Líbíu sem þýddi í raun að vest­rænar þotur komu og sprengdu allt í tætlur. Þetta var gert til að "bjarga fólkinu í Líbíu".“

„Svo langar mig að rifja upp hér að það var ekki fyrr en að aktiv­istar höfðu mjög há­vært sett fram þá af­dráttar­lausu kröfu að Há­skóli Ís­lands þar sem Jón Atli er rektor hætti að sjá um tann­greiningar fyrir Út­lendinga­stofnun að HÍ tók á­kvörðun um að hætta þeim. Tann­greiningar eru notaðar til að út­búa á­stæðu fyrir ríkið að vísa ungu fólki úr landi sem hér hefur sótt um skjól, oft fólki sem er á flótta vegna blóð­þorsta og ó­friðar­hegðunar Nató og Vestur­landa á al­þjóða­vett­vangi. HÍ hætti að tann­greina núna í mars síðast­liðnum. Ég auð­vitað fagna því inni­lega en veit jafn­framt að tann­greiningar væru enn­þá í gangi ef að fólk hefði ekki sett mikinn tíma og mikla orku í að knýja á um að þeim yrði hætt.“

Sól­veig Anna segir að á­stæðan fyrir því að hún skrifar um­ræddan pistil sé sú að henni finnst ekki sæmandi að fólk með völd í sam­fé­laginu skuli ekki vera fært um meira en að hvetja al­menning til að hugsa um frið í mann­legum sam­skiptum.

„Ég í það minnsta þarf enga slíka hvatningu og ég þarf sannar­lega ekki ráð­stefnu um frið. Ég og al­menningur þessa heims þurfum aftur á móti að fólk með völd og status taki gall­harða af­stöðu með friði og gegn stríði, með því að hætta að gera hlutina sí­fellt verri með enda­lausum á­rásum og inn­rásum. Tími orða er liðinn og tími að­gerða runninn upp. Fyrir löngu síðan,“ segir Sól­veig Anna sem endar pistilinn með fyrr­nefndri hvatningu, að egypska fjöl­skyldan fái að dvelja í Höfða þar til hún finnur eigið hús­næði. Friðarsetur opnaði sem kunnugt er í Höfða árið 2016.