Sól­ey vill trufla Krydd­síldina: „Allar góðar hug­myndir vel þegnar“

Sól­ey Tómas­dóttir, fyrr­verandi borgar­full­trúi, veltir því fyrir sér hvort og þá hvernig væri hægt að blása til mót­mæla vegna meintra brota Bjarna Bene­dikts­sonar fjár­mála­ráð­herra á sótt­varnar­reglum.

Sól­ey er í hópi þeirra sem hafa kallað eftir af­sögn Bjarna Bene­dikts­sonar vegna málsins.

Í færslu á Twitter á öðrum degi jóla sagði Sól­ey:

„Hug­mynda­þráður: Undir venju­legum kring­um­stæðum, eða ef við værum öll Bjarni væri búið að blása til mót­mæla fyrir utan Krydd­síldina. Nú er spurning hvernig hægt er að blása til mót­mæla án þess að stofna heilsu fólks í hættu. Allar góðar hug­myndir vel þegnar,“ segir Sól­ey sem varpar fram tveimur hug­myndum:

„Að leggja bílum þver­s og kruss og blokka aksturs­leiðir að út­sendingar­stað?

Að mæta á bílum og liggja á flautunni fyrir utan? Jafn­vel búa til eitt­hvað stef?“

Krydd­síldin er á dag­skrá Stöðvar 2 klukkan 14 á gaml­árs­dag en þá gera for­menn þeirra flokka sem eiga sæti á Al­þingi upp árið. Þar fara jafnan fram nokkuð hvassar um­ræður og má búast við því sama eftir þrjá daga enda árið verið tíðinda­mikið.

Ásta Guð­rún Helga­dóttir, fyrr­verandi þing­maður Pírata, leggur til að blásið verði í her­lúðra á Twitter á meðan á Krydd­síldinni stendur. „Flestir ís­lenskir stjórn­mála­menn eru á twitter. Hægt að veita stjórnar­liðum sem taka þátt í um­ræðunni hér smá reality check. Láta #af­sögn trend á ís­lenska Twitter sam­hliða #krydd­síld eða eitt­hvað.“

Sól­ey vill þó grípa til meira af­gerandi leiða. „Tvitter má loga að ei­lífu, en það er soldið búbblu­leg að­gerð og dugir ekki ein og sér. Vil að gamla fólkið sem veit ekki hvað við erum reið finni fyrir mót­mælunum þegar þau horfa á sjón­varpið.“

Ó­víst er hvort mikil al­vara liggi að baki þessum hug­myndum en ef blásið verður til mót­mæla við upp­töku­stað Krydd­síldarinnar yrði það ekki í fyrsta skipti.

Skemmst er að minnast mót­mæla við Hótel Borg á gaml­árs­dag 2008 en þar innan­dyra var verið að sýna beint frá Krydd­síldinni. Um mjög hörð mót­mæli var að ræða og þurfti að hætta út­sendingu eftir að mót­mælendur brenndu í sundur kapla. Lög­regla beitti pipar­úða gegn mót­mælendum sem létu reiði sína meðal annars bitna á tækni­mönnum.

Hugmyndaþráður:
Undir venjulegum kringumstæðum, eða ef við værum öll Bjarni væri búið að blása til mótmæla fyrir utan Kryddsíldina. Nú er spurning hvernig hægt er að blása til mótmæla án þess að stofna heilsu fólks í hættu. Allar góðar hugmyndir vel þegnar, ég skal byrja:

— Sóley Tómasdóttir (@soleytomasar) December 26, 2020