Myndlistarmaðurinn Snorri Ásmundsson skellti sér í bíó á dögunum á Beast, nýjustu Hollywood myndina úr smiðju Baltasars Kormáks. Skemmst er frá því að segja að Snorri gekk út af sýningunni.
Myndin skartar Idris Elba í aðalhlutverki manns sem lendir í lífsháska í Afríku ásamt fjölskyldu sinni vegna ljóns sem gerir fjölskyldunni lífið leitt. Snorri er ekki hrifinn.
„Ég fékk ömurlega hugmynd í dag og ég vissi hún væri ekki góð, en var bara pínu forvitinn. Hugmyndin var að fara á nýju myndina hans Baltasars Kormáks sem heitir „Beast“ í kvikmyndahúsi hérna í París,“ skrifar Snorri.
„Handritið er svo heimskt að ég man ekki eftir öðru eins. Eina prikið sem þessi mynd fékk var að ég gekk ekki út úr bíóinu eftir 10 mínútur, en hefði gert það hefði ég farið einn í bíó og hefði betur gert það. Þvílíkt og annað eins rusl,“ skrifar Snorri.
