Snjólaug Bruun lést á öldrunardeild Landspítalans á Vífilsstöðum síðastliðinn laugardag. Snjólaug var fædd í Reykjavík þann 23. september árið 1931 og var því á 89. aldursári.
Greint er frá andláti hennar í Morgunblaðinu í dag.
Snjólaug ólst upp í Reykjavík hjá foreldrum sínum, Kaj Aage Bruun sjóntækjafræðingi og Snjólaugu Sigurðardóttur skrifstofukonu og húsmóður. Hún lauk námi í ljósmyndun en starfaði lengst af sem húsmóðir. Bróðir hennar er Knútur Bruun lögmaður.
Snjólaug giftist Bjarna Kristjánssyni vélaverkfræðingi og fyrrverandi rektor Tækniskóla Íslands árið 1953. Bjarni lést árið 2019. Þau eignuðust sex börn og eru afkomendur þeirra orðnir 48 talsins.
