Skot­maðurinn í Hafnar­firði enn í í­búðinni – Skyttur sér­sveitarinnar komnar í skot­stöðu

Vopnaður karl­maður er enn inni í íbúð í fjöl­býlis­húsi við Mið­vang 41 í Hafnar­firði. Þetta kemur fram í Frétta­blaðsins.

Lög­reglan fékk til­kynningu um mögu­lega skot­á­rás klukkan 20 mínútur í átta í morgun. Íbúi í fjöl­býlis­húsinu var á svölunum sínum vopnaður skot­vopni og hafði skotið á bíl sem var lagt fyrir aftan verslun Nettó. Sam­kvæmt sjónar­vottum sem Frétta­blaðið ræddi við skaut maðurinn af fjórum sinnum.

Búið er að loka fyrir um­ferð inn Mið­vang og fólki og í­búum meinað að­gang að svæðinu. Á svæðinu eru fjórir lög­reglu­bílar, fjögur mótor­hjól, tveir sjúkra­bílar og sér­sveitar­bíll.

Lög­reglu­þjónn sagði við Frétta­blaðið að karl­maður í fjöl­býlis­húsi bak við Nettó hafi skotið úr vopni frá svölum sínum og hæft bíl sem hafði verið lagt fyrir aftan verslunina. Verið er að vinna að því að ræða við manninn.

„Þetta er ekki öruggt,“ sagði lög­reglu­þjónninn við Frétta­blaðið að­spurður hvort búið væri að tryggja svæðið.

Eig­andi bílsins sem skotið var á í morgun er nú í skýrslu­töku hjá lög­reglu. Hann er ekki særður að sögn lög­reglu. Að­spurður um tengsl mannanna sagðist lög­reglu­full­trúi ekki geta veitt upp­lýsingar um það.

Skyttur sérsveitarinanr eru komnar í stöðu.

Fréttablaðið/Helena