Halla Signý Kristjánsdóttir, þingmaður Framsóknarflokksins í velferðarnefnd, skorar á Svandísi Svavarsdóttur, heilbrigðisráðherra að leggja fram bráðabirgðalagaákvæði um sóttvarnarhús.
Hún segir það nauðsynlegt til að verja líf og samfélag landsmanna. Þetta kemur fram íFacebook færslu Hölluþar sem hún viðurkennir að ekki sé samstaða um málið innan ríkisstjórnarinnar né í velferðarnefnd.
Fyrr í mánuðinum komst Héraðsdómur Reykjavíkur að þeirri niðurstöðu að ekki væri lagastoð fyrir reglugerð ráðherra um skyldudvöl fólks frá áhættusvæðum í sóttvarnarhúsi. Halla segir mikilvægt að sóttvarnalæknir hafi þá lagastoð sem hann telur mikilvæga.
„Í gegnum þennan faraldur höfum við fylgt eftir ráðleggingum sóttvarnayfirvalda með eftirtektarverðum árangri og því er mikilvægt að sóttvarnalæknir hafi þær lagastoðir fyrir þeim aðgerðum sem hann telur mikilvægar til að tryggja líf og heilsu okkar. Það er því okkar löggjafans að tryggja þessa lagastoð, svo lengi sem við gætum meðalhófs,“ skrifar Halla Signý.
