Kristín Jónsdóttir, hópstjóri náttúruvávöktunar Veðurstofu Íslands, vekur athygli á skondinni innsláttarvillu sem Dr. Steven J. Gibbons birtir á Twitter síðu sinni.
Þar hefur hann tekið mynd af erlendri blaðagrein þar sem segir einfaldlega í fyrirsögninni að það hægist á eldgosinu í Írlandi. Þar á augljóslega að standa Íslandi og á ferðinni góðlátleg innsláttarvilla sem hvergi má sjá í greininni sjálfri.
„Fann þetta á Facebook,“ skrifar Steven J. Gibbons og lætur fylgja með broskalla sem tákna eldfjall og írska fánann. Kristín Jónsdóttir, sem hefur vakið athygli á upplýsingafundum almannavarna vegna jarðhræringa á Reykjanesi deilir færslunni.
Sjá má að Kristínu finnst þetta mjög fyndin innsláttarvilla. „Hahah...“ skrifar skellihlæjandi Kristín einfaldlega.
Hahah... https://t.co/rOEYXmIm9v
— Kristín Jónsdóttir (@krjonsdottir) March 21, 2021
