Skelfi­leg sjón blasti við þegar Emil kom heim til sín í gær – Í­búðin lögð í rúst

Heldur ömur­leg sjón mætti hús­ráð­endum við Lauga­teig í Reykja­vík eftir há­degi í gær en búið var að brjótast inn í í­búðina og leggja hana hrein­lega í rúst.

Í í­búðinni býr Emil Christof­fer Bager Holm á­samt vin­konu sinni og vetti hann Hring­braut góð­fús­legt leyfi til að birta með­fylgjandi myndir.

Emil, sem hefur búið hér á landi í fimm ár, segir í sam­tali við Hring­braut að inn­brots­þjófurinn hafi látið til skarar skríða á tíma­bilinu frá klukkan 13:30 til 14:10 í gær. Eins og sést á með­fylgjandi myndum var búið að leggja í­búðina í rúst. Hús­gögnum var snúið á hvolf og hreinsað út úr skápum svo fátt eitt sé nefnt.

Inn­brots­þjófurinn fór ekki tóm­hentur út því hann hafði á brott með sér skó, jakka, stutt­erma­boli, trefla, hanska og buxur svo eitt­hvað sé nefnt. Þetta kemur sér einkar illa fyrir Emil sem starfar meðal annars á leik­skóla og er mikið úti við. Hefur Emil óskað eftir að­stoð frá góð­hjörtuðum borgurum sem ef til vill eiga hlý föt í skápum sínum sem ekki eru lengur í notkun.

Lög­regla er með málið til rann­sóknar og segir Emil að hún hafi farið yfir upp­tökur úr öryggis­mynda­vélum sem hafi náð að varpa á­kveðnu ljósi á söku­dólginn. Hann sést koma upp að húsinu á bif­reið og tæma í­búðina á 25 mínútum eða þar um bil. Maðurinn sem um ræðir er há­vaxinn og grannur með dökkt hár. Hann var í síðum svörtum jakka, virtist haltra og var á blárri Lexus-bif­reið.

Hann segist þakk­látur fyrir það að margir hafi sett sig í sam­band við hann eftir að hann greindi frá inn­brotinu. Þeir sem hafa upp­lýsingar um málið geta haft sam­band við lög­regluna en einnig er hægt að setja sig í sam­band við Emil í gegnum Face­book-síðu hans hér að neðan.