Skammaði sjó­menn og er nú hótað: Í­hugar að kæra og saknar stuðnings

Fiski­kóngurinn sjálfur, Kristján Berg, segir að sér hafi verið hótað of­beldi eftir að hann skammaði sjó­menn á dögunum fyrir að af­henda fisk í því sem hann kallar drullu­skítugum fiski­körum. Þetta kemur fram í Face­book færslu Kristjáns.

Þar segir hann að við­brögð sjó­manna hafi verið hörð og gróf. Hann fái í­trekað sím­hringingar frá reiðum mönnum sem ausi yfir hann sví­virðingunum.

„OF­BELDI – Fag­maður- Drullu­sokkur –Hótanir Er ég niður­brotinn. JÁ Ætla ég að gefast upp. NEI. Ég og mitt fyrir­tæki höfum orðið fyrir miklu að­kasti, hótunum og leiðindum vegna greinar minnar um skítugar um­búðir utan um ís­lenskt hrá­efni. Ég og mitt fyrir­tæki eigum ekki að vera pílu­spjald „drullu­sokkanna“ Orð mín hafa verið slitin úr sam­hengi,“ skrifar Kristján.

Hann minnir á að hann hafi ekki kallað alla sjó­menn drullu­sokka. „ÞAÐ SEM ÉG SAGÐI OG MEINA. A) Fag­maður er sá sem gengur vel um ís­lenskt hrá­efni af virðingu og með stolti. Setur í hreinar um­búðir, kælir vel af­urðirnar, og gengur al­mennt vel um ís­lenskar auð­lindir. Svo­leiðis vill ég að allir séu. B) Drullu­sokkur er sá sem gengur ILLA um auð­lindir okkar. Fer illa með ís­lenskt sjávar­fang. Af­hendir af­urðir frá sér í DRULLU­SKÍTUGUM um­búðum, gengur illa um auð­lindir okkar. Ber enga virðingu fyrir starfinu sínu og ís­lenskum auð­lindum.“

Hann segist vilja leið­rétta þennan mis­skilning. Því næst segist hann ætla að kæra til lög­reglu suma þá sem hafa á­reitt hann.

„Ég hef fengið sent til mín, á Snappchat, á mess­en­ger, sím­töl og heim­sóknir í verslun mína. þar hefur mér verið hótað of­beldi, fyrir­tækið mitt rifið niður, starfs­fólk mitt á­reitt og inn­hringingar þar sem rifið er kjaft og skellt á. Hver á í hlut? Það veit ég svo sem ekki, hver það er sem hringir inn og eys yfir okkur við­bjóðnum, en ég veit hverjir það eru sem senda mér hótanir og annað slíkt á Face­book og öðrum sam­fé­lags­miðlum, það er alltaf undir nafni. Eitt­hvað af þessu verður kært. Er bara að meta það,“ skrifar Kristján. Hann segist sakna þess að fisk­salar styðji sig.

„Ég er þá að tala um sjó­menn, fisk­kaup­endur, fisk­verk­endur, fisk­markaði, vöru­bíl­stjóra og aðra er starfa í fisk­iðnaðinum, jú og jafn­vel neyt­endur fisks. Það er engu líkara en fólk vilji bara hafa sóða­skap og ó­þrifnað á­fram í þessari grein. Ef þið viljið styðja mig. LÁTIÐ Í YKKUR HEYRA. Að mínu mati er það ó­á­sættan­legt. Ó­þrifnaður og annar við­bjóður í kringum mat­væli á ekki sam­leið. Það er mín skoðun og hún breytist ekki, þó svo ég og mitt fyrir­tæki og mitt starfs­fólk fái þennan við­bjóð yfir okkur,“ skrifar Kristján.