Áslaug Birna sem starfar sem slökkviliðs og sjúkraflutningamaður samhliða hjúkrunarfræðinámi segir að það hafi verið brjálað að gera í sjúkraflutningum í dag og að bráðamóttakan sé stöppuð.
„Við þurfum ítrekað að bíða lengi með skjólstæðinga á börunum okkar því það eru engin laus pláss. Fólk liggur á göngunum um alla deild. Leitið frekar á heilsugæslu en slysó ef þið getið!“ skrifar Áslaug á Twitter.
Það er mikið að gera í sjúkraflutningum í dag og bráðamóttakan er STÖPPUÐ. Við þurfum ítrekað að bíða lengi með skjólstæðinga á börunum okkar því það eru engin laus pláss. Fólk liggur á göngunum um alla deild. Leitið frekar á heilsugæslu en slysó ef þið getið!
— Áslaug Birna🇺🇦 (@slaug20) March 10, 2022
Í nýjum pistli sóttvarnalæknis í dag segir að ekki hafi verið meira álag á heilbrigðisstofnunum og sjúkrahúsum frá því að faraldurinn hófst fyrir tveimur árum.
Innlögnum á sjúkrahús hefur fjölgað verulega en hlutfall jákvæðra hraðprófa er í dag svipað og hlutfall jákvæðra PCR prófa, vegna lakara næmis hraðprófa er þetta vísbending um að útbreiðslan sé meiri en áður.
