Rithöfundurinn, Sigurjón Birgir Sigurðsson, betur þekktur undir listamannsnafninu Sjón, lætur Jón Gunnarsson dómsmálaráðherra heyra það á Twitter.
Sjón hefur ekki verið þekktur fyrir að tjá sig mikið um pólitík í gegnum tíðina en frétt RÚV um að Jón vilj vera með lokaðar búðir fyrir hælisleitendur sem koma hingað til landsins en er synjað um hæli, hefur farið fyrir brjóstið á Sjón.
„Þetta heitir einangrunarbúðir á íslensku. Hægri öfgahyggjan er ekki á leiðinni til Íslands frá útlöndum eins og Katrín (Jakobsdóttir) segist hafa áhyggjur af, hún lifir nú þegar góðu lífi í ríkisstjórninni sem hún sjálf fer fyrir,“ skrifar Sjón og deilir hlekk á frétt RÚV.
Þetta heitir einangrunarbúðir á íslensku. Hægri öfgahyggjan er ekki á leiðinni til Íslands frá útlöndum eins og @katrinjak segist hafa áhyggjur af, hún lifir nú þegar góðu lífi í ríkisstjórninni sem hún sjálf fer fyrir.https://t.co/ddZvYUveHf
— Sjón 🇺🇦🏳️⚧️🏳️🌈 (@Sjonorama) October 14, 2022
