Sjáðu tölvu­póst Sól­eyjar til lög­reglunnar - Steinunn Ólína: „Nú þurfum við að vera óþekk“

22. september 2020 kl. 11:05
Fréttir & pistlar

Deila þessari færslu

Ó­hætt er að segja að fjöl­margir Ís­lendingar hafi sýnt egypsku Khedr-fjöl­skyldunni stuðning undan­farna daga, sér­stak­lega eftir að stoð­deild ríkis­lög­reglu­stjóra á­kvað að lýsa form­lega eftir fjöl­skyldunni í gær­kvöldi.

Eins og flestir vita stóð til að fram­fylgja brott­vísun fjöl­skyldunnar síðast­liðinn mið­viku­dag. Lög­reglan kom hins vegar að tómum kofanum enda var fjöl­skyldan farin í felur.

Eftir að lög­reglan lýsti eftir fjöl­skyldunni hefur myllu­merkið ÞauEru­HjáMér verið vin­sælt á Twitter og á Face­book. Þá hefur fólk verið hvatt til að senda tölvu­póst á stoð­deild ríkis­lög­reglu­stjóra og virðast margir hafa brugðist við því á­kalli.

Í þeim hópi er Sól­ey Tómas­dóttir, fyrr­verandi borgar­full­trúi, sem birti skjá­skot af tölvu­pósti sem stílaður var á stoð­deild ríkis­lög­reglu­stjóra.

Í tölu­v­póstinum segir Sól­ey:

Góðan dag.

Ég velti fyrir mér, þar sem ég bý í Hollandi þar sem Anna Frank bjó í seinni heims­styrj­öld, hvort það væri ekki ráð að leita hrein­lega í Önnu Frank safninu í Amsterdam. Það er lík­legt að fólk sem er í felum nýti staði sem áður hafa verið nýttir - búið að byrgja alla glugga og svona – og allt til alls. Ef ég væri þið myndi ég senda full­trúa á staðinn til að vera viss um að það sé ekki enn eina ferðina verið að hýsa þar fólk sem yfir­völd þurfa að finna.

Kveðja,

Sól­ey.

Steinunn Ólína Þorsteinsdóttir, leikkona og ritstjóri Kvennablaðsins, hvetur til borgaralegrar óhlýðni. Hún segir á Facebook-síðu sinni:

„Nú þurfum við að vera óþekk! Nú hafa yfirvöld auglýst formlega eftir egypsku fjölskyldunni. Ég vil hvetja til borgaralegrar óhlýðni við þessar einstöku aðstæður og vara fólk við því að gerast leynilöggur og uppljóstrarar fyrir yfirvöld. Ég held að með því að segja til ferða þessa fólks eða dvalarstaðar sé viðkomandi að valda sjálfum sér ævarandi sálarskaða. Því það að svíkja þetta fólk í sinni neyð eru svik við mennskuna sjálfa. Slíkur skaði er aldrei aftur tekinn og veldur öllum manneskjum sem á annað borð finna til samkenndar með öðrum óbætanlegu tjóni og lífstíðarharmi sem upprætist aldrei. Stundum getur maður nefnilega hjálpað öðrum og bætt heiminn með því að þegja sem fastast. Það reynist mörgum erfitt en þögnin er stundum bæði grjóthart vopn og verndandi afl.“

Hér að neðan má sjá nokkrar færslur á Twitter til stuðnings fjöl­skyldunni:

Fleiri fréttir

Nýjast
Náttfari

Munu sægreifar reyna yfirtöku á Stöð 2, Bylgjunni og Vísi?
Dagfari

Fréttastofa eða skipulagt einelti?
Náttfari

Straumhvörf þegar flokkseigendur misstu völdin – breytist eitthvað þegar frá líður?
Dagfari

Góður er hver genginn – er tími „stóru leiðtoganna“ þá endanlega liðinn undir lok?
Náttfari

Ný valdablokk í Sjálfstæðisflokknum – svar við ákalli um uppstokkun
Dagfari

Sameinast stjórnarandstöðuflokkarnir Sjálfstæðisflokkur, Framsókn og Miðflokkur?
Náttfari

Samfylking og Viðreisn vilja mynda stjórn með Flokki fólksins – eða Miðflokki, takist ekki að semja við Ingu Sæland