Eliza Reid, forsetafrú Íslands er nú stödd í höfuðborg Bandaríkjanna, Washington D.C., þar sem hún átti einkafund með Joe Biden, forseta Bandaríkjanna og Jill Biden, forsetafrú Bandaríkjanna, í Hvíta húsinu.
Tilefni fundarins var sérstakur viðburður í Hvíta húsinu tengdum bandaríska jafnlaunadeginum sem var í dag en á þeim degi er vakin athygli á aðgerðum til að uppræta launamun kynjanna.
Eliza fór því yfir stefnu Íslands í jafnréttismálum og aðgerðir hér heima með þeim hjónum.
Síðar í vikunni mun Eliza taka þátt í landkynningarhátíðinni Taste of Iceland sem fer fram í höfuðborginni daganna 17. – 20. mars.
Eliza átti einkafund með Biden hjónum.
Fréttablaðið/Aðsend mynd
Það fór vel á milli Elizu og Jill og Joe Biden.
Fréttablaðið/Aðsend mynd
