„Nú hló ég upphátt,“ segir Vigdís Hauksdóttir, borgarfulltrúi Miðflokksins, á Facebook-síðu sinni í morgun og deilir um leið skopmynd Halldórs Baldurssonar í Fréttablaðinu í dag.
„Alltaf gaman að lenda í þessum dálki,“ segir Vigdís um myndina sem má sjá hér að neðan.
Vigdís var sem kunnugt er þulur í umdeildu myndbandi hagsmunahópsins Björgum miðbænum þar sem því var meðal annars haldið fram að Dagur hefði keypt þrjú bílastæði af borginni án útboðs við heimili sitt. Það var ekki rétt því Dagur og fjölskylda hans keyptu tvö stæði af nágrönnum sínum fyrir um áratug.
Mynd Halldórs má sjá hér að neðan:
