Magnað myndskeið af rennandi hrauni í Mera-og Geldingadölum gengur nú um eins og eldur í sinu um internetið. Í myndbandinu sem er tekið upp á dróna má sjá hvernig hraunið lekur undir storknuðu hrauni.
„Hitastigið á kvikunni sem er að koma upp í gígnum er um 1200 gráður,“ sagði Þorvaldur Þórðarson, prófessor í eldfjallafræði við Ríkisútvarpiðí gær vegna málsins. Þorvaldur segir áhugavert að sjá að þó að hraunið í Meradölum sé ekki jafn heitt og Geldingadölum sé heitur kjarni undir mestallri hraunbreiðunni sem hefur safnast fyrir í lægðinni.
„Þannig að það er eins og það sé bara vökvi, hraunkjarni, þarna undir skorpunni sem nær yfir stóran hluta ef ekki alla Meradali, sem skýrir af hverju hraunið er svona slétt.“
Eins og gefur að skilja er því stórhættulegt að rölta um á hrauninu. Hraunið enda á fullri ferð fyrir neðan storknað hraunið eins og sést í þessu ótrúlega myndskeiði hér að neðan.
