Íslenskir stjórnmálaflokkar hafa samtals fengið tæplega sjö milljarða úthlutað úr ríkissjóði á verðlagi dagsins i dag frá árinu 2010 til 2022. Þetta kemur framí úttekt Viðskiptablaðsins.
Árið 2018 voru framlög til flokkanna aukin verulega og hafa þeir síðan fengið úthlutað nærri fjórum milljörðum króna.
Sjálfstæðisflokkurinn, sem hefur verið stærsti flokkur landsins á tímabilinu, er sá stjórnmálaflokkur sem hefur fengið hæsta úthlutun úr ríkissjóði á tímabilinu, eða alls ríflega 1,7 milljarða króna á verðlagi dagsins í dag.
Stjórnmálaflokkar fá á hverju ári úthlutun úr ríkissjóði kveðið er á um þetta í lögum um fjármál stjórnmálasamtaka og frambjóðenda og um upplýsingaskyldu þeirra.
„Greiðslur hvers árs eru samkvæmt ákvörðun fjárlaga hverju sinni. Til þess að eiga rétt á framlagi þarf stjórnmálaflokkur að hafa fengið að minnsta kosti einn mann kjörinn á þing eða náð að lágmarki 2,5% atkvæða. Framlagið skiptist svo hlutfallslega milli flokka eftir atkvæðamagni í nýjustu kosningum. Fjármála- og efnahagsráðuneytið fer með framkvæmd greiðslna framlagsins,“ segir í úttekt Viðskiptablaðsins.
Sjálfstæðisflokkurinn hefur fengið úthlutað 50% meira en Vinstri Græn, sem fengið hafa næst hæstu úthlutunina á tímabilinu, eða alls tæplega 1,2 milljarða króna. Fast á hæla Vinstri Grænna koma Samfylkingin, með 1,1 milljarð króna, og Framsóknarflokkurinn, með rétt rúmlega 1 milljarð. Aðrir flokkar sem nú sitja á þingi hafa fengið nokkuð lægri úthlutanir. Píratar hafa fengið 477 milljónir króna, Miðflokkurinn 396 milljónir, Viðreisn 328 milljónir og Flokkur Fólksins 312 milljónir. Þá fékk Sósíalistaflokkurinn 26 milljóna króna framlag á þessu ári, þrátt fyrir að hafa ekki náð manni inn á þing í síðustu kosningum.
Bjarni Benediktsson fjármálaráðherra hefur sagt að lækka þurfi framlagði og hefur hann lagt til 5% lækkun framlaga sem hluti af aðgerðum til að draga úr þenslu og verðbólgu.
Hægt er að lesa ítarlega útttek Viðskiptablaðsins hér.
