Simmi Vill skilur Þórólf: „Þrýstingur samfélagsins á liggja á stjórnvöldum“

Veitinga­maður Sig­mar Vil­hjálms­son og Hrefna Björk Sverris­dóttir, for­maður Sam­taka fyrir­tækja á veitinga­markaði, ræddu sótt­varnar­að­gerðir í Bítinu á Bylgjunni í morgun.

Sig­mar sagðist skilja af­stöðu Þór­ólfs þar sem hann væri bara að hugsa um sótt­varnir og gefur út mat út­frá því. Hins vegar væri fullt annað í gangi í sam­fé­laginu sem þarf að huga að líka þegar kemur að því að taka á­kvarðanir um sótt­varnar­að­gerðir.

„Vandinn liggur klár­lega á Land­spítalanum og getu hans til að takast á við þau veikindi sem bera þar að garði. Klár­lega er heil­brigðis­kerfið okkar ekki betra og sterkara en þetta. Þetta er ekki eitt­hvað sem gerist á einu eða tveimur árum þetta er upp­safnaður vandi,“ sagði Sig­mar og sagði á­byrgðina liggja hjá fjár­mála­ráðu­neytinu til jafns við heil­brigðis­ráðu­neytið.

„Að því sögðu þá hef ég oft kallað eftir því að við horfum á heildar­myndina og af­leiðingar kórónu­far­aldursins. Eitt er spital­inn en hitt er þessi upp­safnaði yfir­dráttur sem við höfum ekki tekið á. Fé­lags­legur kvíði, þung­lyndi, sjálfs­víg og eins og við flokkum sjálfs­víg á Ís­landi þá erum við ekki að fá réttar tölur upp úr kössunum það er fullt af öðrum al­var­legum hlutum að gerast í sam­fé­laginu sem mér finnst að sótt­varna­læknir ætti að skoða líka,“ bætti Sig­mar við.

„Stjórn­málin hafa ekki sést í þessu máli og hent á­byrgðinni á þrí­eykið með því að fría sig á­byrgð og segja „Við fylgjum þeim,““ sagði Sigmar. „Þrýstingur samfélagsins á liggja á stjórnvöldum. Þessir aðilar bera ábyrgðina.“

Sig­mari var bent á það að sótt­varnar­yfir­völd hafi sagt að það er ekkert grín að veikjast þótt maður sér bólu­settur.

„Við áttum okkur á því en við verðum samt að horfa á töl­fræðina,“ sagði Sig­mar og bætti við að 0,01 prósent þeirra sem smitast deyja. „Það að Gulli frændi kemst ekki lengur upp Esjuna án þess að vera móður eftir hann fékk co­vid er rosa­lega leiðin­legt og ég ætla ekki að gera lítið úr því. En það eru bara fullt af öðrum hlutum sem eru að gerast í sam­fé­laginu sem eru al­var­legri en það að þú missir þolið í sex mánuði,“ sagði Sig­mar.

Hann sagðist jafn­framt ekki skilja opnunar­tíma skemmti­staða en allir skemmti­staðir loka nú á sama tíma og myndast stórar hópa­myndanir á götum úti eftir lokun

„Hver er munurinn á því að loka tíu eða loka tólf. Því þú ert með sama fólkið inn í sama hólfinu,“ sagði Sigmar. „Smitast eitthvað meira milli ellefu og tólf á kvöldin en tíu og ellefu. Svo koma menn með svona teóríur um að menn knúsist meira undir á­hrifum þetta er bara eitt­hvað gisk út í bláinn,“ sagði Sig­mar.