Sigur­steinn á kross­götum: „Ég trúi því að al­mættið sé að taka í taumana“

Fjöl­miðla­maðurinn Sigur­steinn Más­son segist standa á kross­götum í lífi sínu rétt eins og trú­lega margir aðrir. Hann hefur að undan­förnu dvalið í Anda­lúsíu á Spáni.

Sigur­steinn ætlaði upp­haf­lega að vera átta daga í þessu fal­lega héraði en nú eru liðnar átta vikur og Sigur­steinn enn á svæðinu. Hann segir að ekki sjái enn fyrir endann á veru hans þar.

„Nú er búið að loka héraðinu í 10 daga. Enginn kemst inn né út nema í gegnum al­þjóða­flug­vellina. Það hefði mátt segja mér tvisvar fyrir ári síðan að ég ætti eftir að vera um kyrrt í sama héraðinu á Spáni mánuðum saman. Venju­lega hefði ég senni­lega verið búinn að flækjast vítt og breytt um Spán, til Portúgals og Marokkó á mun styttri tíma. En það eru breyttir tímar og ég trúi því að ,,slow tra­vel” sé komið til að vera,“ segir Sigur­steinn í pistli á Face­book-síðu sinni.

Sigur­steinn veltir svo fyrir sér veirunni og hvernig líf okkar hefur breyst að undan­förnu – og senni­lega til fram­búðar.

„Ég stend á kross­götum rétt eins og ég held að við gerum öll. Heims­á­standið og veiran neyðir mig til að hugsa hlutina upp á nýtt. Ég sé veiruna ekki sem óvin heldur al­var­lega við­vörun um að við verðum að breyta lífs­máta okkar. Þetta er af­leiðing þess hvernig við um­göngumst dýrin, heim­kynni þeirra og náttúruna. Við höfum með at­ferli okkar skapað þessa veiru og þar með þetta á­stand og hvert og eitt og í sam­einingu þurfum við að snúa þróuninni við.“

Sigur­steinn segir að tíminn sé naumur því stóra málið sé handan við hornið – ó­aftur­kræfar lofts­lags­breytingar.

„Ég trúi því að al­mættið sé að taka í taumana og að við verðum að grípa þetta tæki­færi, endur­hugsa til­veru okkar í stað þess að hverfa aftur til þess sem var fyrir CO­VID19. Heimurinn allur situr í sömu súpunni og verður sam­eigin­lega að bregðast við til lengri tíma. Trúi og vona að það muni nú gerast.“

Sigur­steinn situr ekki auðum höndum á Spáni en á morgun kemur út áttundi og síðasti þátturinn í þriðju seríu Sannra ís­lenskra saka­mála á Stor­ytel.

„Í þáttunum reyni ég að varpa nýju ljósi á þekkt og al­var­leg glæpa­mál. Er mjög þakk­látur fyrir við­tökurnar. Nálgast við­fangs­efnið frá fleiri hliðum en áður og hér í sunnan­blíðunni hef ég tíma og svig­rúm til að hugsa um lífið og til­veruna upp á nýtt og frá áður framandi sjónar­horni.“