Sigurborg Ósk Haraldsdóttir, formaður skipulags- og samgönguráðs Reykjavíkurborgar, segist vonast til þess að hraðalækkandi aðgerðir í borginni verði samþykktar fyrir áramót.
„Við erum að skoða hraðalækkandi aðgerðir um alla borg,“ segir hún í samtali við Fréttablaðið í dag en í fréttinni kemur fram að borgin hafi beðið íbúaráð um umsögn um hámarkshraðaáætlun í haust og nú sé unnið úr þeim athugasemdum sem bárust.
Tillögurnar snúa meðal annars að því að lækka hámarkshraðinn í hverfum úr 60 niður í 50 og úr 50 niður í 40 eða 30. Þannig er lagt til að hámarkshraði á Borgarvegi í Grafarvogi fari úr 50 niður í 40 og í Vesturbergi í Breiðholti úr 50 kílómetrum niður í 30 kílómetra.
