Líf Magneudóttir borgarfulltrúi Vinstri grænna var í áfalli í gær eftir að hafa hlustað á Ragnhildi Öldu, frambjóðanda Sjálfstæðisflokksins, á Útvarpi sögu. Líf deildi sögunni á Twitter.
Sigurborg Ósk Haraldsdóttir, fyrrverandi borgarfulltrúi Pírata, ákvað að leggja orð í belg í dag og ganga svo langt að kalla Ragnhildi Öldu sultu.
„Hvernig er hægt að ljúga aftur og aftur í fjölmiðlum árið 2022. Við vitum öll að þetta er kjaftæði sem hún er að segja. Hver er eiginlega tilgangurinn með því að reyna að ljúga að fólki?“ skrifar Sigurborg í athugasemd.
Sigurborg deilir skjáskoti af ummælum Ragnhildar þar sem hún segist meðal annars ekki vera fylgjandi borgarlínunni, heldur frekar léttlínukerfi, þar sem borgarlínan sé of dýr. Hún segir þetta eitt af þeim atriðum þar sem borgaryfirvöld eru að reyna að stjórna fólki og því hvernig það hagar sínu lífi, þar með talið hvaða samgöngumála það kýs.
Þetta er svo mikil sulta. Hvernig er hægt að ljúga aftur og aftur í fjölmiðlum árið 2022. Við vitum öll að þetta er kjaftæði sem hún er að segja. Hver er eiginlega tilgangurinn með því að reyna að ljúga að fólki? pic.twitter.com/8dKxfr7WsW
— Sigurborg Ósk Haraldsdóttir (@SigurborgOsk) March 11, 2022
