„Hver reiknaði þessa undanþágu út? Vísindin? Æ þetta sýnir auðvitað fum og fát og stefnuleysi stjórnvalda,“ segir Sigríður Á. Andersen, fyrrverandi ráðherra og þingmaður, á Twitter-síðu sinni.
Sigríður gerir þar að umtalsefni þá staðreynd að Þorláksmessutónleikar Bubba Morthens fari fram með óbreyttu sniði þessi jólin. Hertar samkomutakmarkanir tóku gildi á miðnætti og óttuðust margir að fresta þyrfti tónleikum og öðrum viðburðum nú rétt fyrir jól.
Í gærkvöldi var tilkynnt að tónleikar Bubba fengju undanþágu en þeir fara fram í Hörpu annað kvöld.
Þessi undanþága hefur vakið talsverða athygli á samfélagsmiðlum og sitt sýnist hverjum.
Sigríður tekur það fram að hún styðji Bubba og aðra sviðslistamenn „en frábið mér um leið gervistuðningsyfirlýsingar við þessar takmarkanir sem sagðar eru í nafni sóttvarna.“
Hringbraut sagði í gærkvöldi frá viðbrögðum Ásmundar Friðrikssonar, þingmanns Sjálfstæðisflokksins og fyrrum kollega Sigríðar, sem var ekki sáttur við að Bubbi fengi undanþágu. Sagði hann að Bubbi væri falinn beint á andlitið „inn í hóp spillingar- sérhagsmunaelitunnar sem hann er alltaf að drulla yfir.“
Hver reiknaði þessa undanþágu út? Vísindin?
— Sigríður Á. Andersen (@siggaandersen) December 21, 2021
Æ þetta sýnir auðvitað fum og fát og stefnuleysi stjórnvalda. Ég stuð Bubba og aðra sviðslistamenn en frábið mér um leið gervistuðningsyflýsingar við þessar takmarkanir sem sagðar eru í nafni sóttvarna.
https://t.co/jN8j3E3Rvk
Bubbi fær undanþágu, Jülevenner fær undanþágu – mér sýnist í fljótu bragði að eini viðburðurinn til að verða blásinn af sé friðargangan á Ísafirði.
— Eiríkur Örn Norðdahl (@EinlaegurOnd) December 21, 2021
Skemmtiði ykkur vel á undanþágu-Þorláksmessutónleikum í Eldborg litlu skítarnir ykkar. Eins og skáldið sagði. Þið munuð öll, þið munuð öll....
— hshelgason (@hshelgason) December 22, 2021
Að sjálfsögðu fær kirkjan undanþágu á jólunum og beint streymi inn í fangelsin. Og þegar ég segi kirkjan þá meina ég auðvitað Bubbi Morthens.
— Þorsteinn Guðmunds (@ThorsteinnGud) December 22, 2021
