Sigmundur Davíð Gunnlaugsson, þingmaður og formaður Miðflokksins, segir stjórnmálaumræðu á Íslandi vera á „algjörum villigötum“ þessa daganna vegna umræðu um auglýsingu Félags íslenskra fíkniefnalögreglumanna (FÍFL). Lögreglan hefur fengið hólfskeflu af gagnrýni yfir sig vegna auglýsingarinnar sem beindist gegn kannabisnotkun en nöfn fyrirtækja og samtaka voru meðal annars notuð í leyfisleysi.
„Stjórnmálaumræða á Íslandi er á algjörum villigötum. Hvernig getum við verið komin á þann stað að ráðist sé á lögregluna fyrir að vara við fíkniefnaneyslu?,“ skrifar Sigmundur á Facebook.
Hann fagnar jafnframt því að komið var í veg fyrir að frumvarp heilbrigðisráðherra um afglæpavæðingu fíkniefna hérlendis.
„Ég er feginn að okkur tókst að koma í veg fyrir frumvarp ríkisstjórnarinnar/Pírata um lögleiðingu fíkniefna en það má greinilega ekki slá slöku við,“ skrifar Sigmundur Davíð enn fremur.
