Sigmundur Ernir segir að það sé komið að ögurstundu í auðræðinu á Íslandi. „Það er komið að þeim tíma sem íbúar þessa lands verða að gera upp við sig hverjir raunverulega ráða,“ segir hann í skoðanagrein sem birtist í Fréttablaðinu í dag sem titluð er „Þeir sem ráða.“
Hann segir valið standa á milli auðsins og alþýðunnar. „Það er ekki flóknara en svo,“ segir hann.
Sigmundur segir stærstu spurninguna í öll því mengi vera hvort lýðræðið virki á Íslandi, eða hvort það sé búið að kippa því úr sambandi. „Fólk kjósi en fái svo allt aðra niðurstöðu en atkvæðakassarnir höfðu að geyma.“
„Það hyllir undir að þrjár fjölskylduútgerðir eignist auðæfin í sjónum,“ segir hann. „Það er með öðrum orðum búið að koma kvótaeigninni í vasa valdra landsmanna sem geta gengið frá rekstri sinna fyrirtækja með andvirði óveiddra fiska á bankareikningnum sínum.“ segir bætir hann við.
Sigmundur segir ólígarkavæðingu íslensks samfélags vera á fleygiferð.
„Óheyrileg auðsöfnun örfárra eigenda að svokallaðri þjóðarauðlind er óspart nýtt til að sölsa undir sig fyrirtæki í sjávarútvegi á Íslandi. Sú þróun hefur verið greinileg á síðustu árum.“
Hann segir þetta vera komið til vegna þess að auðsöfnin hefur verið látin altölulaust. „Löggjafarsamkundu landsmanna er fyrirmunað að breyta hér nokkru. Svo hefur verið – svo verður áfram,“ segir hann.
Sigmundur segir lítinn og allsráðandi minnihluti stjórna á Íslandi og að pólitíkin hafi hent honum öll yfirráð yfir sjávarauðlindinni í íslenskri efnahagslögsögu.
„Niðurstaðan er því þessi og hún er jafn ógnvænleg og hún er átakanlega sönn. Það ríkir auðræði á Íslandi, ekki lýðræði. Einu skiptir hvaða stjórnvöld koma og fara,“ segir Sigmundur.
Hann endar pistilinn á að segja: „Útgerðin ræður.“
