Sigmundur Davíð Gunnlaugsson, formaður Miðflokksins, varpar ansi skemmtilegri hugmynd fram á Facebook-síðu sinni. Þar leggur hann til að Ríkisútvarpið framleiði raunveruleikaþætti um Brynjar Níelsson, þingmann Sjálfstæðisflokksins.
„Allir yrðu glaðir. Sumir fengju ánægjuna af því að skrifa hneykslunartíst vikulega.
Aðrir myndu fá að njóta skemmtiefnis á rúv eins og í þá gömlu góðu. Allir gætu borgað nefskattinn með meiri gleði,“ segir Sigmundur sem kveðst hafa fengið hugmyndina eftir að hafa skrifað pistil um ybbana svokölluðu – rétttrúnaðarfólkið eða háværa minnihlutann eins og hann er stundum kallaður.
Sigmundur Davíð lætur ekki staðar numið við þessa hugmynd um Brynjar og leggur fleira til.
„Ég gæti svo verið með spjallþætti á föstudagskvöldum til að auka hlutlægni (engin þráhyggja gagnvart einstaklingum eða flokkum), draga úr neikvæðni og auka áhorf,“ segir Sigmundur sem hefur reynslu úr sjónvarpinu. Eins og margir vita starfaði hann á RÚV í mörg ár áður en hann haslaði sér völl í pólitík.
Eftir síðurstu færslu fékk ég hugmynd. Ríkissjónvarpið ætti að framleiða raunveruleikaþætti um Brynjar Níelsson....
Posted by Sigmundur Davíð Gunnlaugsson on Þriðjudagur, 13. október 2020
