Í nýjasta hlaðvarpsþætti 70 mínútur greindi Sigmar Vilhjálmsson frá því að hann hafi brotist inn blómabúð á Egilsstöðum ásamt vini sínum þegar hann var 16 ára gamall en mbl.is greindi fyrst frá.
Sigmar segist þó hafa séð eftir þessu strax og skilaði ránsfengnum meðan vinur hans var að neita fyrir innbrotið á lögreglustöðinni.
Morgunblaðið fjallaði um bernskubrek Sigmars árið 1993 en þar segir að hann hafi stolið 20 þúsund krónum úr peningakassanum:
„BROTIST var inn í blómaverslunina Blómabæ á Egilsstöðum í fyrrinótt og stolið þaðan um 20 þúsund krónum sem voru í peningakassa. Að sögn lögreglunnar sparkaði þjófurinn upp hurð á versluninni en að öðru leyti vann hann ekki skemmdir á húsnæðinu. Hann er ófundinn.
Í síðustu viku var brotist inn í Stólpa á Egilsstöðum, sem er verndaður vinnustaður, og stolið þaðan um 20 þúsund krónum. Það mál er enn óupplýst en lögreglan telur ekki útilokað að þessi tvö mál tengist,“ segir í frétt Morgunblaðsins af innbrotinu.
