„NENNIÐI AÐEINS AÐ SLAKA Á Í ÞESSU GOSRUGLI. ÉG KEMST EKKI HEIM ÞVÍ ÉG ER FASTUR Í UMFERÐINNI Á GRINDAVÍKURVEGI!“
Þetta sagði Siggeir F. Ævarsson, framkvæmdastjóri Siðmenntar, á Twitter-síðu sinni síðdegis í gær. Siggeir er búsettur í Grindavík en þar hefur verið gríðarleg umferð síðustu daga. Tugþúsundir hafa farið að gosstöðvunum í Geldingadölum undanfarna daga og var einhverskonar met slegið í gær þegar þúsundir reyndu að komast á svæðið.
Sumir þurftu hreinlega frá að hverfa þar sem engin stæði var að fá. Íbúar í Grindavík sem starfa á höfuðborgarsvæðinu hafa væntanlega margir fundið fyrir þessari auknu umferð sem að stóru leyti liggur um Grindavíkurveg.
Grindvíkingar hafa margir ekki átt sjö dagana sæla að undanförnu. Jarðskjálftahrinan á Reykjanesi olli íbúum miklu hugarangri og nú komast sumir íbúanna varla leiðar sinnar vegna ferðamannastraums á svæðinu.
Sigurgeir birtir svo skjáskot af leið sem hann fór og ætti alla jafna að taka örfáar mínútur. „Svona án gríns. Þessi 1,7 km leið tók 17 mínútur,“ segir hann.
Svona án gríns. Þessi 1,7 km leið tók 17 mínútur pic.twitter.com/iOvtSaWgcA
— Siggeir F. Ævarsson (@siggeirslayer) March 30, 2021
