Í gær var minnst þess að stríðið í Úkraínu hefði staðið í hundrað daga. „Erfitt er að spá fyrir um hvernig stríðinu muni ljúka. Jafntorsótt virðist vera að segja til um hvers vegna það hófst,“ skrifar Sif Sigmarsdóttir rithöfundur í skoðanagrein sinni sem birtist í Fréttablaðinu í dag.
Hún segir marga hafa háfleygar ástæður fyrir því hvernig stríði hófst. Pútín segist frelsa Úkraínu undan nasistum, „hin opinbera ástæða er þó augljós fyrir sláttur,“ skrifar Sif. Hún segir aðra segja að NATO hafi þrengt of mikið að Rússlandi og því sé sökin á NATO, enn aðrir segja Pútín vera að reyna að vekja heimsveldi Sovétríkjanna.
Sif veltir því þó fyrir sér hvort kveikjan að þessu sé lítilfjörlegri.
Hún segir frá stjórnmálaspekingnum Hannah Arendt en hún skrifaði um réttarhöld á SS-foringjanum Adolf Eichmann árið 1961. Þar bjó hún til hugtakið „hversdagsleiki illskunnar“ þegar hún lýsti Eichmann. Hún sagði hann vera rislítinn meðaljón sem hafði fyrir vana að hugsa ekki.
„Lærðar skýringar eru uppi um hrottaskap Rússa í Úkraínu. Þær hafa þó að engu eðli okkar mannanna. Kannski er orsök stríðsins einfaldlega rislítill meðaljón sem leiðist,“ skrifar Sif.
