Óskar Steinn Ómarsson, sem skipar 6. sætið á lista Samfylkingarinnar í Suðvesturkjördæmi fyrir komandi kosningar veltir nokkrum spurningum upp á Twitter-síðu sinni eftir tíðindi dagsins úr íslenskri pólitík.
Greint var frá því í hádegisfréttum RÚV að Áslaug Arna Sigurbjörnsdóttir dómsmálaráðherra hefði innt lögreglustjórann á höfuðborgarsvæðinu um afsökunarbeiðni eftir að greint var frá aðkomu ráðherra í ríkisstjórninni að umtöluðum gleðskap á þorláksmessu í dagbók lögreglu. Umræddur ráðherra var Bjarni Benediktsson, fjármálaráðherra og formaður Sjálfstæðisflokksins, eins og margoft hefur komið fram.
Óskar varpar eftirfarandi spurningum fram og hafa þær hlotið ágætar undirtektir á Twitter:
„Ætli dómsmálaráðherra hafi líka hringt í yfirmann Útlendingastofnunar og þrýst á hana að biðjast opinberlega afsökunar á að hafa vísað þungaðri konu úr landi? Eða hent hælisleitendum út á götu? Eða er þetta bara sérþjónusta sem hún veitir Bjarna Benediktssyni á aðfangadag?“
Valur Grettisson, ritstjóri Grapevine, tekur undir þetta hjá Óskari og segir:
„Hands down besti punkturinn í þessari umræðu. Forstjórar allskonar stofnana mega klúðra öllum mögulegum málum, svo lengi sem ráðherra er ekki viðstaddur.“
Ætli dómsmálaráðherra hafi líka hringt í yfirmann Útlendingastofnunar og þrýst á hana að biðjast opinberlega afsökunar á að hafa vísað þungaðri konu úr landi? Eða hent hælisleitendum út á götu? Eða er þetta bara sérþjónusta sem hún veitir Bjarna Benediktssyni á aðfangadag? pic.twitter.com/A9ZhlzYvYo
— 🌏🌹 óskar steinn 🌹🌍 (@oskasteinn) June 29, 2021
