Sigmundur Davíð Gunnlaugsson, formaður Miðflokksins, er ræðumaður á ráðstefnu í Svíþjóð sem Stundin segir að sé skipulögð af sænskum þjóðernisöfgamönnum.
Samkvæmt Stundinni er meirihluti ræðumanna tengdir stjórnmálaflokkum eða samtökum sem reka harða innflytjendastefnu og breiða út kynþáttahatur.
Aðrir ræðumenn á ráðstefnunni eru sagðir hafa meðal annars lofað Adolf Hitler og afneitað helförinni.
Ráðstefnan ber nafnið Svenska Bok- & Mediemässan, eða Sænska bóka- og fjölmiðlamessan, og verður haldin í Stokkhólmi 20. ágúst næstkomandi. Ráðstefnan er opinberlega kynnt sem ráðstefna um tjáningarfrelsi, en er í raun skipulögð af samtökum sem hafa það að markmiði að tengja saman aðila með ólíkar áherslur innan þjóðernisöfgahreyfingar Svíþjóðar og efla hana.
Frétt Stundarinnar hefur farið öfugt í margar í dag og keppast netverjar við að bölva Sigmundi. Sema Erla gengur svo langt að segja Sigmund Davíð nasista en notar stjörnu til að fela orð sín fyrir algrími Twitter.
Hægt er að lesa frétt Stundarinnar í heild sinni hér.
When you have gone full blown na☆i and you are not hiding it anymore: pic.twitter.com/Tpwd96VXXT
— Sema Erla (@semaerla) August 4, 2022
Sigmundur Davíð á ráðstefnu með sænskum þjóðernisöfgamönnum https://t.co/y52Whf8Ara via @stundin
— Helgi Seljan (@helgiseljan) August 4, 2022
„Er hún opinberlega kynnt sem ráðstefna um tjáningarfrelsi, en er í raun skipulögð af samtökum sem hafa það að markmiði að tengja saman aðila með ólíkar áherslur innan þjóðernisöfgahreyfingar Svíþjóðar ...“
— Halldór Auðar Svansson 🇮🇸 🤝 🇺🇦 (@tharfagreinir) August 4, 2022
Ein elsta og þreyttasta brellan í bókinni.https://t.co/XZRPpEwe2C
