Fernir tónleikar Ingó Veðurguðs um helgina hafa valdið miklum usla hjá netverjum á Twitter um helgina. Valgerður Árnadóttir, varaþingmaður Pírata, heimtaði um helgina lista yfir alla sem mættu svo hún gæti forðast þá.
Á sunnudaginn ákvað baráttuhópur gegn ofbeldismenningu að beina spjótum sínum að Símanum en fólk gat horft á tónleika í beinni streymi gegnum sjónvarp Símans en slíkt þykir netverjum til háborinnar skammar.
Síminn svaraði baráttumönnum á þá leið að Síminn veitir þessa þjónustu til allra tónleikahaldara sem eftir henni óska og við höfum engar forsendur til að hafna að þjónusta viðburði þar sem listamennirnir hafa hvorki verið formlega ákærðir né dæmdir fyrir lögbrot.
Valtýr Gunnarsson gekk skrefinu lengra í morgun og ætlar að hætta í áskrift hjá Símanum.
„Ætla að hætta viðskiptum hjá Símanum. Ég styð ekki fyrirtæki sem standa ekki með þolendum. Vodafone standið þið ekki örugglega með þolendum?“ skrifar Valtýr á Twitter.
Nokkrir netverjar benda honum á að Vodafone sé ekki betra þar sem þeir eru nú með Stöð 2 og FM957 en ekki er gefið frekari skýringar á því.
Ætla að hætta viðskiptum hjá Símanum. @siminn ég styð ekki fyrirtæki sem standa ekki með þolendum. @vodafoneis standið þið ekki örugglega með þolendum?
— Valtyr Gunnarsson (@ValtyrG) March 13, 2023
